Kryetari i Lidhjes Demokratike të Kosovës, Lumir Abdixhiku ka folur për moskonstituimin e Kuvendit.

Ai në Pressing të T7 ka thënë se asnjëra parti nuk e ka shumicën dhe se po minimizohet fakti i përjashtimit të të gjitha partive politike për bashkëpunim me Listën Serbe dhe se LDK nuk bashkëpunon me ta.

“Votat nuk hargjohen, bën me i përdorë edhe për Kuvend edhe për Qeveri. Qato që i ke për Qeveri, përdori edhe për Kuvend. Askush s’e ka shumicën. Asnjëra parti. Po e minimizojmë faktin e përjashtimit të gjitha partive politike, për bashkëpunim me Listën Serbe. Asnjë parti politike nuk llogaritë në 10 votat e Listës Serbe. Ne kemi një parti politike e cila duhet të kaloj nëpër një proces të pastrimit të plot nga kjo çështje, rastit Banjska. LDK me këtë Listë Serbe nuk bashkëpunon”, tha Abdixhiku.